زاوية

مقالة ما مصنفاش. هاد لمقالة ما مصنّفاش، حاول تزيد شي تصنيفات كاتناسب معاها و ماتنساش تزول هاد لقالب من بعد ما تصنّفها. ماتّخلعش! هاد لميصاج مديور باش تشوفو لفرقة ديال الصيانة و لمراجعة د لمقالات، و ماكيعنيش بلي درتي شي غلط!

الزاوية ولّا لقنيتة فـلهندسة دلماط (بـنݣليزية: Angle) الزاوية هي واحد شكل هندسي، كينتج على لملاقية ديال زوج شعاعات فـنقطة، وكيتسماو هاد الشعاعات ضلوع ديال الزاوية، والنقطة لي كيتلاقاو فيها كتسما راس د زاوية.

تاريخ

عرف لعالم ليوناني إقليدس الزاوية ف المستوى بلي هي لميل ديال شي مستقيم واحد على واحد أخور، بحيت يكونو هاد زوج مستقيمات كيتلاقاو فنقطة و ميكونوش متوازيين.

الترميز ديال زاوية.

لقياس دالزاوية

الزاوية θ هي ناتج ديال لقسيم د s على r.

على قبل لقياس ديال شي زاوية θ، كنرسمو قوس كيتمركز فـراس دالزاوية بلواسطة ديال لبركار. وكنشدو طول دلقوس s وكنقسموه على نص القطر r وكنضربوه فلعامل ديال التكبير k. وكنعتمدو على لوحدة د لقياس لي عندنا، وهادشي كيعطينا هاد لعلاقة هادي:

$\theta ={\frac {s}{r}}(k).$

عبرات لقياس د الزاويات

باش نقيْسو شي زاوية، كنقيْسو طول د لقوس ديال الدوايرة لي لمركز ديالها هو نقطة ديال تقاطع ديال جوج ضلوع ديالها لي محصور بين جوج ضلوع ديال زاوية، وكنقسمو هادشي على لمحيط ديال دوايرة. هداك الناتج إيلا ضربناه فنسبة 2 كيكون لقياس ديال زاوية بلـقياس الدائري. و إيلا بغينا نحسبو لقياس ديال زاوية بدرجات، كنضربو هداك الناتج فنمرة 360. و كنعتو على درجة برمز ديال دوايرة صغيورة كترسم فلفوق ديال لقياس د زاوية كيما فـ360°.

رسمة ديال زاوية لقياس ديالها 45 درجة.

• الدرجة، وهي 1/360 من الزاوية ديال شي دوايرة كاملة.
• الدقيقة، و كتعادل 1/60 من الدرجة.
• الثانية، و كتعادل 1/60 من الدقيقة.
• الراديان، بحيت كيتعتابر لقياس ديال زاوية د شي دوايرة كاملة 2π راديان. ومنو، فراه 1 راديان كيعادل 57.2958 درجة.
• زاوية واقفة، وهي كتعادل 90 درجة ولا π/2 راديان.

نواع ديال الزاويات

على حساب قياساتها

$\theta =0^{\circ }$	$0^{\circ }<\theta <90^{\circ }$	$\theta =90^{\circ }$	$90^{\circ }<\theta <180^{\circ }$	$\theta =180^{\circ }$	$180^{\circ }<\theta <360^{\circ }$
زاوية خاوية	زاوية حادَّة	زاوية واقفة	زاوية واسعة	زاوية مسڭدة	زاوية منعاكسة

على حسب علاقاتها

جوج زاويات متتامين

جوج زاويات متكاملين

لي جاية من تقاطع

• زاوية واقفة: إيلا قسمنا الزاوية لمسڭدة 180 على زوج د لأقسام متساويين، فراه كول قسم منهم غيولي زاوية واقفة، و لقياس ديالها غيكون 90 درجة.
• زاوية حادة: هي الزاوية لي قياسها قل من 90 درجة.
• زاوية واسعة: هي الزاوية لي قياسها كبر من 90 درجة وصغر من 180 درجة.
• زاوية مسڭدة: هي زاوية لي ضلوعا بزوج ديالها، مقادين بزوج تقادة وحدة، و ف زوج تجاهات مختالفة 180 درجة.
• زاوية منعادمة: هي الزاوية لي قياسها 0 درجة.
• جوج زاويات متساويين: هوما زوج د زاويات عندهم قياس متساوي.
• زاويات كيتشاركو ب راس: هوما زوج زاويات كيتشاركو فنفس الراس و الضلوع.
• زاويات متتامين: هوما زوج زاويات لي لمجموع د قياسهم هو 90 درجة.
• زاويات متكاملين: هوما زوج زاويات لي لمجموع د قياسهم 180 درجة.
• جوج زاويات متجاورتين: هوما زوج زاويات كيتشاركو فنفس الضلع.
• الزاويات لمتبادلين ب الراس: وهي عبارة على زوج د زاويات كيتشكلو إيلا كان شي زوج مستقيمات متوازيين و عندهم شي قاطع (ماشي معامد)، دكشي باش كنقولو بلي جميع زاويات لي كتواجد فالداخل هي زاويات داخلية. أما لي على برا فهي زاويات برانية. و كنقولو على شي زاويات بلي هما متبادلين داخليا و برانيا فاش كيكونو متقابلين و متقايسين. أما الزاويات لمتناظرات (لمتماثلات) فهما الزاويات لي واقعين على نفس جهة من لقاطع، و وحدة فيهم كتكون مابين زوج مستقيمات لمتوازيين (لداخل) ولوخرة على برا. وكنلقاو الزاويات لمتكاملات فاش كنجمعو زوج زاويات دخلانيين، كاينين على نفس الجهة د لقاطع. و كنلقاو 180 درجة.