বিভিন্ন অসমীয়া ৱিকিমিডিয়া প্ৰকল্পত অৱদান আগবঢ়াবলৈ আগ্ৰহী যিকোনো নতুন ব্যক্তিক সহায় আৰু পথ প্ৰদৰ্শনৰ বাবে অসমীয়া ৱিকিমিডিয়া সম্প্ৰদায়ৰ উদ্যোগত ৱিকিসংযোগ নামৰ এই মেণ্টৰশ্বিপ কাৰ্যসূচী আৰম্ভ কৰা হৈছে। এই পদক্ষেপৰ লক্ষ্য হৈছে নতুন অৱদানকাৰীসকলক প্ৰয়োজনীয় পথ প্ৰদৰ্শন, প্ৰশিক্ষণ, আৰু মুক্তভাৱে প্ৰশ্ন সুধিবলৈ আৰু সহায় বিচাৰিবলৈ আদৰণীয় পৰিৱেশ প্ৰদান কৰি উৎসাহিত কৰা।
অসমীয়া ৱিকিৰ বিষয়ে জানিলেও বা এই প্ৰকল্পবোৰত কাম কৰিবলৈ আগ্ৰহী হ'লেও কেনেকৈ আগবাঢ়িব সেইবিষয়ে বহুতে নাজানে। লগতে দৈনন্দিন ব্যস্ততাত এইক্ষেত্ৰত নিজা উদ্যোগ লৈ কিবা এটা কৰিবলৈ সময়-সুবিধা নহয়গৈ। সেয়ে নতুন আৰু আগ্ৰহী সদস্যসকলে প্ৰয়োজন অনুসৰি নিসংকোচে দৰকাৰী কথাবোৰ সুধি-বুজি ল'বলৈ এই মেণ্টৰশ্বিপ কাৰ্যসূচী লোৱা হৈছে। এই আঁচনিৰ অধীনত আগ্ৰহী সক্ৰিয় সদস্যই নতুন সদস্যক দিহা-পৰামৰ্শ আৰু প্ৰয়োজন অনুসৰি প্ৰশিক্ষণ দি ৱিকিত সক্ৰিয় কৰি তোলাৰ চেষ্টা কৰিব।
মেণ্টি নিৰ্বাচন: ছেপ্টেম্বৰ, ২০২৪
মেণ্টৰশ্বিপ প্ৰকল্প: ১ অক্টোবৰ - ৩১ ডিচেম্বৰ, ২০২৪
মেণ্টৰশ্বিপৰ বাবে আগ্ৰহী সক্ৰিয় সদস্যই যিকোনো ৱিকি প্ৰকল্পতে মেণ্টৰৰূপে অংশ ল'ব পাৰিব।
প্ৰত্যেক মেণ্টৰে তিনিগৰাকীলৈকে নতুন সদস্যক সহায় কৰিবলৈ বাচি ল'ব পাৰে। কোনো মেণ্টৰে তাতোধিক সাম্ভাব্য মেণ্টি পালে তেওঁলোকক অন্য মেণ্টৰৰ সৈতে প্ৰশিক্ষণ ল'বলৈ পৰামৰ্শ আগবঢ়াব পাৰে।
মেণ্টৰ হ'বলৈ ৱিকিৰ কোনো বিশেষ প্ৰকল্পত দক্ষতা বা কাৰিকৰী পাৰদৰ্শিতাৰ প্ৰয়োজন নাই। দৰকাৰী সকলো বিষয়তে মেণ্টৰসকলে প্ৰত্যেকে প্ৰত্যেকক সহায় কৰিব। প্ৰয়োজন অনুসাৰে ৱিকিক্লাছৰ আয়োজন কৰি সকলো মেণ্টিক একেলগেও শিকাব পৰা যাব।
অসমীয়া ৱিকিত কাম কৰিবলৈ আগ্ৰহী যিকোনো লোকেই মেণ্টিৰূপে অংশ ল'ব পাৰিব। এই প্ৰকল্পত অংশ ল'বলৈ কোনোধৰণৰ শিক্ষাগত অৰ্হতা বা বয়সৰ বাধ্যবাধকতা নাই। মাথোঁ প্ৰয়োজন অসমীয়া ভাষাৰ বাবে স্বেচ্ছাসেৱী হিচাপে কাম কৰাৰ আগ্ৰহ আৰু ইণ্টাৰনেট সংযোগ।
এই প্ৰকল্পত অংশগ্ৰহণৰ বাবে কোনো মাচুলৰ প্ৰয়োজন নাই।
এই প্ৰকল্পৰ বাবে সময় বা ঠাইৰ কোনো বাধ্যবাধকতা নাই। পৃথিৱীৰ যিকোনো ঠাইৰ পৰাই এই প্ৰকল্পত অংশ ল'ব পাৰিব। নিজৰ সময়-সুবিধা অনুযায়ী ৱিকিৰ যিকোনো প্ৰকল্পৰ কাম শিকিব পাৰিব।
যিহেতু মেণ্টৰ আৰু মেণ্টিৰ সম্পৰ্কই এই প্ৰকল্পৰ সফলতা নিৰ্ণয় কৰিব, সেয়ে মেণ্টৰে মেণ্টি নিৰ্বাচন কৰাৰ আগেয়ে ব্যক্তিগতভাৱে চা-চিনাকি হৈ কথা-বতৰা পাতিবলৈ উৎসাহ জনোৱা হৈছে। সাম্ভাব্য মেণ্টিগৰাকী ৱিকিৰ কামত কিয় আগ্ৰহী, কোন প্ৰকল্পত আগ্ৰহী, কিমান সময় দিব পাৰিব বা কেনে সহায়ৰ দৰকাৰ সকলোখিনি জানি লৈহে বাচনি কৰিলে ভাল।
প্ৰথমেই মেণ্টিৰ পৰা ৱিকিৰ কোন প্ৰকল্পত কাম শিকাৰ আগ্ৰহ আৰু কেনেধৰণৰ সহায়ৰ প্ৰয়োজন সেই বিষয়ে ব্যক্তিগতভাৱে যোগাযোগ কৰি সম্যক ধাৰণা ল'ব।
মেণ্টিৰ আগ্ৰহ অনুযায়ী প্ৰকল্পৰ কাম কাজ শিকাব আৰু সময়ে-সময়ে অগ্ৰগতিৰ খতিয়ান ল'ব। প্ৰয়োজন অনুসাৰে অন্য মেণ্টৰৰ পৰা সহায় লোৱাতো দিহা-পৰামৰ্শ যোগাব।
মেণ্টৰশ্বিপৰ সমগ্ৰ সময়ছোৱাত মেণ্টৰ আৰু মেণ্টি দুয়ো সময়-সুবিধা মিলাই অনলাইন বা অফলাইন নিয়মীয়া যোগাযোগ অব্যাহত ৰাখিব।
মেণ্টিয়ে ৱিকিৰ যিকোনো প্ৰকল্পত অৱদানৰ বাবে বাচি ল'ব।
মেণ্টিয়ে এই প্ৰকল্পত যোগদান কৰিলে মেণ্টৰশ্বিপৰ সমগ্ৰ সময়ছোৱা (৩১ ডিচেম্বৰ, ২০২৪ লৈ)ত অংশ লোৱাৰ বাবে দায়বদ্ধ থাকিব। এই প্ৰকল্প অসম্পূৰ্ণকৈ এৰি নিদিয়াৰ বাবে সাধ্যানুসৰি চেষ্টা কৰিব।
মেণ্টৰৰ সৈতে কথা-বতৰা হৈ তিনিমাহত কি শিকিব বিচাৰে আৰু কিমান সময় দিব পাৰিব সেইবিষয়ে এটা পৰিকল্পনা কৰি ল'ব।
মেণ্টৰশ্বিপৰ সময়ছোৱাত সুযোগ-সুবিধা মিলাই যথাসম্ভৱ ৱিকিত অৱদান আগবঢ়োৱাৰ চেষ্টা কৰিব।
প্ৰকল্পৰ আৰম্ভণিতে এখন ৱিকিসভা আহবান কৰি সকলো নতুন সদস্যৰ আদৰণি জনাই এই প্ৰকল্পৰ এক সামগ্ৰিক ধাৰণা দিয়া হ'ব। সভাৰ প্ৰস্তাৱিত তাৰিখ: ২৯ ছেপ্টেম্বৰ, ২০২৪
প্ৰকল্পৰ সামৰণিত মেণ্টৰ আৰু মেণ্টি দুয়োৰে অৱদানৰ স্বীকৃতি আৰু সক্ৰিয়তা অব্যাহত ৰখাৰ পৰিকল্পনা আদি সামৰি এখন ৱিকিসভা অনুষ্ঠিত কৰা হ'ব। সভাৰ প্ৰস্তাৱিত তাৰিখ: জানুৱাৰী, ২০২৫
মেণ্টৰশ্বিপৰ সমগ্ৰ সময়ছোৱাত প্ৰতিগৰাকী মেণ্টৰে নতুন সদস্যসকলৰ সৈত কমেওে প্ৰতিমাহ এবাৰকৈ হ'লেও অনলাইন বা অফলাইন লগ হৈ ৱিকিত কাম কৰিবলৈ সহায়-দিহা-পৰামৰ্শ আগবঢ়াব।
বন্ধনীৰ ভিতৰত দিয়া দিনবোৰৰ দ্বাৰা 'অতিকমেও' বুজোৱা হৈছে।
(১) সদস্য বাছনি
(২) ৱিকিমিডিয়াৰ প্ৰকল্পসমূহৰ আভাষ
প্ৰথম পৰ্যায়
ৱিকিপিডিয়াৰ বিস্তৃত পৰিচয়
ৱিকিপিডিয়াত সদস্যৰ পৃষ্ঠা সৃষ্টি, সাধাৰণ সম্পাদনা, নতুন প্ৰবন্ধ সৃষ্টি, ইত্যাদি
ৱিকিপিডিয়াত ফটো সংযোজন দ্বিতীয় পৰ্যায়
আন ৱিকিপিডিয়াৰ প্ৰবন্ধৰ সংশোধন, শ্ৰেণীকৰণ
ইংৰাজী ৱিকিপিডিয়াৰ পৰিচয়
ইংৰাজী ৱিকিপিডিয়াৰ পৰা প্ৰবন্ধ অনুবাদ আৰু অনুবাদৰ ভিন্ন কৌশল/পদ্ধতি প্ৰথম পৰ্যায়
(৩) ৱিকিউৎসৰ বিস্তৃত পৰিচয়
দ্বিতীয় পৰ্যায়
সূচী তৈয়াৰ, পেইজ ইনডেক্সিং, মূল নামপৃষ্ঠাত প্ৰকাশ
কপিৰাইট, অটিআৰএছ
কিতাপ আপলোডৰ এটা আভাস
অভাৰফ্লোট, ক্ৰপ টুলৰ পৰিচয় (৪) ৱিকিকমন্সৰ পৰিচয়
প্ৰথম পৰ্যায়
ফটো আপলোড
নিজে আপলোড কৰা ফটো ৱিকিপ্ৰকল্পত সংযোজন (৫) ৱিকিউদ্ধৃতিৰ পৰিচয়
প্ৰথম পৰ্যায়
পৃষ্ঠা সৃষ্টি
অনূদিত উদ্ধৃতিৰে পৃষ্ঠা
অইন পৃষ্ঠাৰ সংশোধন, শ্ৰেণীকৰণ দ্বিতীয় পৰ্যায়
(৬) ৱিকিডাটাৰ পৰিচয়
ৱিকিডাটাত সম্পাদনা
ৱিকিডাটাৰ লগত ৱিকিপৃষ্ঠাৰ সংযুক্তকৰণ (৭) ৱিকিমিডিয়াৰ বিভিন্ন প্ৰতিযোগিতাৰ পৰিচয় আৰু পৰৱৰ্তী প্ৰতিযোগিতাত অংশগ্ৰহণৰ নিশ্চিততা-২ দিন
দিনাংকঃ ২৯-০৯-২০২৪, দেওবাৰ সময়ঃ নিশা ০৭:০০-৮:৩০ (ভাৰতীয় সময়) পুৱা ৭:৩০-৯:০০ (কানাডাৰ মাউণ্টেইন সময়) পুৱা ৮:৩০-১০:০০ (আমেৰিকাৰ কেন্দ্ৰীয় সময়)
০৭:০০- আৰম্ভণি: জলি ৰুমী বৰা , ইথাৰপেডত সাৰাংশ: দিব্য দত্ত জলি ৰুমী বৰা ঈশানজ্যোতি বৰা দিব্য দত্ত ৰাকেশ মোদক , নৰুনা বৰুৱা , কুমুদ ঘোষ , বিভূতি গগৈ
