Zəlimxan Yaqub
Zəlimxan Yaqub | |
---|---|
Şəxsi məlumatlar | |
Doğum tarixi | 21 yanvar 1950 |
Doğum yeri | Kəpənəkçi kəndi, Bolnisi rayonuGürcüstan SSR |
Vəfat tarixi | 9 yanvar 2016 (65 yaşında) |
Vəfat yeri | |
Vəfat səbəbi | böyrək çatışmazlığı[d] |
Dəfn yeri | |
Təhsili | |
Fəaliyyəti | şair, siyasətçi |
|
|
Təltifləri | |
Vikianbarda əlaqəli mediafayllar |
Zəlimxan Yaqub (d.21 yanvar, 1950. Gürcüstan, Bolnisi, Kəpənəkçi)— Azərbaycanın xalq şairi.
Həyatı
Yaqubov Zəlimxan Yusif oğlu (Zəlimxan Yaqub) — Azərbaycanın xalq şairi, ictimai xadim - 1950-ci il yanvarın 21-də Borçalının Bolnisi rayonunun Kəpənəkçi kəndində anadan olmuşdur.
Azərbaycan Dövlət Universitetinin kitabxanaçılıq fakültəsini bitirmişdir (1967-1972).
1973-cü ildən 1978-ci ilə qədər "Azərkitab" sistemində, "Kitab pasajı" adlı kitab dükanında satıcı, baş satıcı, şöbə müdiri, 1975-ci ildən 1985-ci ilə qədər Azərbaycan Könüllü Kitabsevərlər Cəmiyyətində təbliğat şöbəsində redaktor, şöbə müdiri, 1987-ci ildən 1994-cü ilə qədər "Yazıçı" nəşriyyatında poeziya şöbəsində redaktor, şöbə müdiri vəzifələrində çalışıb.
1995-2005-ci illərdə Azərbaycan Respublikasının Milli Məclisinin deputatı olmuşdur.
İlk şeiri 1966-cı il oktyabrın 4-də, Gürcüstan SSR Bolnisi rayon qəzeti "Qələbə bayrağı"nda dərc edilib.
Məmməd Araz ədəbi mükafatı (1995) ilə, "Şair harayı", "Vətən yaralar", "Sizi qınamıram" və "Ziyarətin qəbul olsun" kitabına görə H.Z.Tağıyev adına mükafatla (1995), "Şöhrət" ordeni və Gürcüstan Respublikasının "Şərəf" ordeni ilə təltif edilmişdir.
1983-cü ildən AYB-nın üzvüdür.
2005-ci ildə "Azərbaycanın xalq şairi" fəxri adına layiq görülüb.
2008-ci il avqust ayının 29-da Azərbaycan aşıqlarının V qurultayında Azərbaycan Aşıqlar Birliyinin sədri seçilib.
1994-cü ildən Azərbaycan Respublika Prezidenti yanında Əfv Komissiyasının üzvüdür.
Rəsmi nümayəndə heyətinin tərkibində 1995-2000-ci illərdə Çində, Səudiyyə Ərəbistanında, Almaniyada, ABŞda, İsveçdə, İsveçrədə, Qırğızıstanda, Türkiyədə, Fransada və İraqda işgüzar səfərlərdə olub.
2009-cu il iyunun 6-da Türk Dünyası Araşdırmaları Uluslararası Elmlər Akademiyasının "Türk dünyasına hizmət" mükafatına layiq görülərək həmin Akademiyanın fəxri doktoru seçilib.
5 oktyabr 2012-ci ildə Xalq şairi Zəlimxan Yaqubun indiyədək qazandığı mükafatlar sırasına biri də əlavə olunub. Amerika Birləşmiş Ştatlarında fəaliyyət göstərən Azərbaycan Nyu-York Assosiasiyası xalq şairini Fəxri diplom və medalla təltif edib[1].
Zəlimxan Yaqubun görkəmli dövlət xadimi Heydər Əliyevə ithaf etdiyi “Əbədiyyət dastanı” poeması haqqında şair-publisist Əli Rza Xələfli “Ölməzlik nəğməsi” (“Vətən” nəşriyyatı, 2013) adlı kitab yazmış və nəfis tərtibatda çap etdirmişdir[2].
Kitabları
- Şair harayı
- Vətən yaralar
- Sizi qınamıram
- Ziyarətin qəbul olsun
- Od aldığım ocaqlar 1986
- Mən sənin qəlbinə necə yol tapım 2003
- Böyük ömrün dastanı 2004
- Qayıdaq əvvəlki xatirələrə 2004
- Gözlərimin nurudu doğulduğum bu torpaq 2005
- Mən bir dağ çayıyam 2006
- Əbədiyyət dastanı2008
- Сказы саза 2008
- Peyğəmbər (poema)2009
- Özün basdırdığın ağaca söykən (I cild). Bakı. Şərq-Qərb,2010, 284 səh. şəkilli
- Özün basdırdığın ağaca söykən (II cild). Bakı. Şərq-Qərb,2010,
- Mövlana. B.: “Vətən”, 2012.-194 səh.
Şəkillər
İstinadlar
Həmçinin bax
- 9 yanvarda vəfat edənlər
- 2016-cı ildə vəfat edənlər
- 65 yaşında vəfat edənlər
- Bakıda vəfat edənlər
- Birinci Fəxri xiyabanda dəfn olunanlar
- Bakı Dövlət Universitetinin məzunları
- "Şöhrət" ordeni ilə təltif edilənlər
- Əlifba sırasına görə vəzifəli şəxslər
- Azərbaycan şairləri
- Azərbaycanlı şairlər
- Azərbaycan Respublikasının xalq şairləri
- Azərbaycanlı aşıqlar
- Azərbaycan aşıqları
- Azərbaycan Respublikası Milli Məclisinin I çağırış deputatları
- Azərbaycan Respublikası Milli Məclisinin II çağırış deputatları