Алесь Бажко

Алесь Бажко
Алесь Бажко
Асабістыя звесткі
Імя пры нараджэнні	Аляксандр Цімафеевіч Бажко
Дата нараджэння	22 кастрычніка 1918
Месца нараджэння	Навагрудскі павет, Мінская губерня;
Дата смерці	17 красавіка 2013 (94 гады)
Месца смерці	Мінск, Беларусь;
Пахаванне	Мінск;
Грамадзянства	БССР;
Альма-матар	Варшаўская кансерваторыя (1939); Літаратурны інстытут імя А. М. Горкага (1955);
Месца працы	Чырвоная змена[d]; Сельская газета; Чырвоная змена; Чырвоны сцяг; Літаратура і мастацтва; Голас Радзімы; Беларусь; Дзяржаўны літаратурны музей Янкі Купалы; Рэпертуарна-рэдакцыйная калегія Упраўлення культпрасветустаноў Міністэрства культуры БССР[d]; Камітэт па справах мастацтваў пры Савеце Міністраў БССР;
Прафесійная дзейнасць
Род дзейнасці	пісьменнік, перакладчык, паэт, публіцыст
Мова твораў	беларуская
Дэбют	1945
Грамадская дзейнасць
Партыя	УКП(б);
Член у	Саюз вызвалення Беларусі (1946—1947); Саюз пісьменнікаў СССР; Саюз беларускіх пісьменнікаў;
Узнагароды	;

Дагледжаная версія гэтай старонкі, зацверджаная 26 жніўня 2018, была заснавана на гэтай версіі.

Алесь (Аляксандр) Цімафеевіч Бажко (22 кастрычніка 1918, в. Даўгінава, Карэліцкі раён — 17 красавіка 2013) — беларускі пісьменнік і паэт. Заслужаны работнік культуры БССР (1977)^[1].

Біяграфія

Нарадзіўся ў сялянскай сям'і. Закончыў музычны інстытут імя С. Манюшкі ў Навагрудку (1936—1938), вучыўся ў Варшаўскай кансерваторыі (1938—1939). Але вучоба была спынена з-за пачатку вайны. Працаваў дырэктарам мірскага Раённага дома культуры (1940).

У 1940 прызваны ў Чырвоную Армію. Пасля ранення пад Ельняй (1942) працаваў на абаронным будаўніцтве. Удзельнічаў у стварэнні першых фарміраванняў Войска Польскага на тэрыторыі СССР у якасці генеральнага інструктара прапаганды Валагодскага акружнога ўпраўлення Саюза польскіх патрыётаў. З чэрвеня 1945 — інструктар Баранавіцкага абкома камсамола, 1-ы сакратар Дзятлаўскага райкома камсамола.

Са снежня 1945 — на журналісцкай рабоце: літсупрацоўнік баранавіцкай абласной газеты «Чырвоная змена», на абласным радыё, у рэдакцыях рэспубліканскіх газет «Савецкі селянін», «Чырвоная змена», у маладзечанскай абласной газеце «Сталінскі шлях». Скончыў завочна Літаратурны інстытут у Маскве ў 1955 годзе^[1]. З 1956 — карэспандэнт, загадчык аддзела лістоў газеты «Літаратура і мастацтва». З 1959 — намеснік рэдактара газеты «Голас Радзімы», з 1962 — загадчык рэдакцыі мастацкай літаратуры выдавецтва «Беларусь»^[1], з 1970 — намеснік галоўнага рэдактара газеты «Літаратура і мастацтва». У 1973—1977 працаваў дырэктарам Літаратурнага музея Янкі Купалы^[1], у 1977—1978 — галоўны рэдактар рэпертуарна-рэдакцыйнай калегіі і намеснік начальніка Упраўлення па справах мастацтваў Міністэрства культуры БССР^[1]. З 1979 года персанальны пенсіянер саюзнага значэння.

Творчасць

Дэбютаваў у друку нарысамі і нататкамі ў 1945^[1]. Першыя вершы апублікаваў у 1947^[1]. Аўтар аповесцяў «Перад вераснем» (1959), «Позняе ворыва» (1963), «Лясныя крушні» (1981), «Жывыя прывіды» (1986), зборніка нарысаў і памфлетаў «Татальнае банкруцтва» (1973), кнігі аповесцей «Перад вераснем. Позняе ворыва» (1979). Выйшлі паэмы А. Бажко «Карвіга пакідае хутар» (1961), «Татры» (1964), «Паэмы» (1968), зборнікі вершаў «Блакітныя вербы» (1973), «Суладдзе» (1975), «Каласы і скалы: Выбранае» (1978). У 1987 выйшлі Выбраныя творы (паэмы і вершы). Займаецца перакладамі з польскай і славацкай моў.

Прызнанне

Узнагароджаны ордэнам Айчыннай вайны II ступені і медалямі.
Член СП СССР (з 1957).
Заслужаны работнік культуры БССР (1977).

Зноскі

↑ ^а ^б ^в ^г ^д ^е ^ё Божко Алесь // Биографический справочник. — Мн.: «Белорусская советская энциклопедия» имени Петруся Бровки, 1982. — Т. 5. — С. 68. — 737 с.

Літаратура

Бажко Алесь // Беларускія пісьменнікі (1917—1990): Даведнік / Склад. А. К. Гардзіцкі. Нав. рэд. А. Л. Верабей. — Мн.: Мастацкая літаратура, 1994. — 653 с.: іл. — 22 000 экз. — ISBN 5-340-00709-X.
Бажко Алесь // Беларускія пісьменнікі: Біябібліяграфічны слоўнік. У 6 т. / пад рэд. А. І. Мальдзіса. — Мн.: Беларуская Энцыклапедыя, 1992—1995.

[БС-1] а ^б ^в ^г ^д ^е ^ё Божко Алесь // Биографический справочник. — Мн.: «Белорусская советская энциклопедия» имени Петруся Бровки, 1982. — Т. 5. — С. 68. — 737 с.

[1]