An Tairbeart Iar
'S e baile ann an Earra-Ghaidheal agus Bòd a tha ann An Tairbeart Iar no An t-Àrar (Beurla: Arrochar). Tha am baile suidhichte faisg air ceann Loch Long. 'S e seo na co-chomharran aige: 56° 11′ 46.39″ Tuath agus 4° 44′ 52.87″ Iar. Tha Beinn Artair (884 meatair) faisg air a' bhaile. Bha crìochan de na siorrachdan traidiseanta Earra-Ghàidheal is Siorrachd Dhùn Bhreatainn aig ceann siarach a’ bhaile gus a’ bhliadhna 1975.
A-rèir Iain Mhic an Tàilleir tha an t-ainm Gàidhlig "An t-Àrar" is an t-ainm Beurla "Arrochar" ceangailte ri Beinn Artair. Tha an dàrna ainm Gàidhlig "An Tairbeart Iar" a’ sealltainn gu bheil am baile eadar-dhealaichte bhon Tairbeart faisg air Loch Tairbeart.[1]
Iomraidhean
- ↑ Iain Mac an Tàilleir, "Ainmean-Àite", duilleag 9, Pàrlamaid na h-Alba
Ceanglaichean a-mach
- Iomraidhean nam mapaichean airson comharradh-clèithe: NN2952203791