Զոնդյան նեղուց
Զոնդյան նեղուց (ինդոն.՝ Selat Sunda, սունդ.՝ Selat Sunda), նեղուց Ինդոնեզիայում, Սումատրա և Ճավա կղզիների միջև։ Խաղաղօվկիանոսյան Ճավայի ծովը միացնում է Հնդկական օվկիանոսին[1]։ Երկարությունը 130 կմ է, նվազագույն լայնությունը 26 կմ, նվազագույն խորությունը նավուղում՝ 28 մ։ Հարավարևելյան մասում խորությունը հասնում է ընդամենը 20 մետրի, ինչը խնդիրներ է ստեղծում օվկիանոսային մեծ նավերի համար: Բացի այդ, խոչընդոտներ են հանդիսանում այնպիսի գործոններ, ինչպիսիք են մակընթացային ուժգին հոսանքները, ծանծաղուտների առկայությունը, Ճավա կղզու ափերի մոտ տեղակայված նավթարդյունահանման հարթակները (պլատֆորմները):
Զոնդյան նեղուց | |
---|---|
(ինդոն.՝ Selat Sunda, սունդ.՝ Selat Sunda) | |
Երկիր | Ինդոնեզիա |
Բաժանում է | Սումատրա և Ճավա կղզիները |
Առավելագույն խորություն | 28 մ |
Երկարություն | 130 կմ |
Լայնություն | 26 կմ |
Զոնդյան նեղուցում կան հրաբխային ծագում ունեցող բազմաթիվ կղզիներ ու կղզյակներ: Դրանցից է Կրակատաու կղզին, որտեղ գործող նույնանուն հրաբխի[2] 1883 թ. ժայթքումը համարվում է առավել հզորներից մեկը ժամանակակից պատմության մեջ[3]:։
Ծանոթագրություններ
- ↑ Редко Яванское море относят к Индийскому океану.
- ↑ Հ. Ղ. Գրգեարյան, Ն. Մ. Հարությունյան (1987). Աշխարհագրական անունների բառարան. Երևան: «Լույս».
- ↑ Зондский пролив, 2013
Վիքիպահեստն ունի նյութեր, որոնք վերաբերում են «Զոնդյան նեղուց» հոդվածին։ |
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 3, էջ 702)։ |