Romana republiko
La Romana Republiko duris de 509 aK til 27aK.
Ye 28 di septembro 48 aK, Gnaeus Pompeius Magnus, politikala chefo di la Romana Republiko, esis asasinata. Il esis un de la Unesma Triumvireso; la altri esis Marcus Licinius Crassus e Gaius Julius Cezaro. Ca triumvireso, fondita en 60 aK, esis ne-oficala ma ol esis influiva. Ol fortigesis per la mariajeso di Pompeius, qua esis richega, kun Julia, filiino di Cezaro, qua esis populara. Tamen la triumvireso ne duris: Julia mortis dum parturo, e Crassus vinkesis ed ocidesis ye la batalio di Carrhae, kontre la Parthiana Imperio. Interna milito developis, inter Cezaro e Pompeius. Pompeius fugis ad Egiptia, ube il esis asasinata.