Antarktika

Satellitenbild vun de Antarktis

Tangra-Bargen in de Antarktis

De Antarktis is en Eerddeel, wat bi den geograafschen Süüdpol vun de Eer liggt. Füürland an de Süüdspitz vun Süüdamerika is de neegste Punkt vun en anner Eerddeel. De Antarktis höört nümms, aver en poor Länner beansprookt Delen vun’n Eerddeel.

Tyypsch för de Antarktis sünd de Iesbargen un Pinguinen. De poor Minschen, de in düsse Region sünd, leevt in Polarstatschonen, de vun de verscheedenste Länner upboot worrn sünd.

Hüüt is dat bannig koolt in de Antarktis. Geiht bit ünner -88 °C. In de Iestiet is dat wohl noch köller ween. Aver fröher, so in de Tiet vun de Sauriers, dor weer dat nich so koolt, vun wegen, dat de Eerddeel to de Tiet in annere geograafsche Breden legen hett. Dor geev dat Bööm un sogor Saurier in de Antarktis. De hüng dormols ok noch mit Süüdamerika un Afrika un Indien tosamen. Düsse grote Eerddeel warrt hüüt Gondwana nöömt.

Alle Eerddelen op een Blick

Asien | Afrika | Noordamerika | Süüdamerika | Antarktika | Europa | Australien
(De Pazifische Eilannen in Ozeanien sünd keen Deel vun en Eerddeel.)