نواز شریف
| نواز شریف | |
| |
| پاکستان دا 13ویں تے 18ویں وزیراعظم | |
| جمن پو: | لہور |
| جمن دیاڑہ | 25 دسمبر 1949 |
| کم : | وزیراعظم پاکستان |
| پیلی واری: | 6 نومبر 1990 - 18 اپریل 1993 |
| دوجی واری: | 17 فروری 1997 - 12 اکتوبر1999 |
| تیجی واری: | 5 جون 2013 - ہن تک |
| پارٹی: | مسلم لیگ ن
|
نواز شریف پاکستان دے دو واری وزیراعظم چنے گۓ۔ اج کل مسلم لیگ ن دے لیڈر نیں۔
نواز شریف 25 دسمبر 1949 نوں لہور چ پیدا ہوۓ۔ اوناں دا تعلق اک کاروباری ٹبر نال سی۔ پہلاں پنجاب سرکار چ وزیر فیر وزیر اعلی بنے 1992 چ پاکستان دے وزیراعظم بنے۔ ایٹمی تماکہ کرنے دا حکم وی اونھاں نے ہی دتا تے اسلام آباد توں لہور تک بنی ہوئی موٹر وے اونھاں دی سرکار جنرل سید پرویز مشرف نیں فوجی بغاوت کر کے 12 اکتوبر 1998 نوں ختم کر دتی۔
پہلا جیون
نواز شریف دے پرکھاں دا جوڑ شوپیاں کشمیر نال اے جیڑے پنجاب چ آ کے وس گۓ۔ نواز شریف دے ابا جی محمد شریف پاکستان بنن توں بعد امرتسر توں دیس نکالا ملن توں بعد لہور آگۓ۔ اوہ اک مستری سن تے اونہاں نے اپنا کم سیکل توں شروع کیتا تے اپنی محنت نال اک بہت بڑے کارخانیاں دی ٹولی اتفاق دے مالک بنے۔ نواز شریف سینٹ ایینتھونی سکول تے گورمنٹ کالج لہور پڑھے پنجاب یونیورسٹی لہور توں قنون دی ڈگری ۂئی۔ نواز شریف کرکٹ وی کھیڈدے رۓ تے 1973-74 چ فسٹ کلاسک کرکٹ کھیڈی جدوں اوہ پاکستان ریلوے دی طرفوں کھیڈے۔ نواز شریف دا ویاہ کلسوم نواز نال ہویا جیڑی گاما پہلوان دی رشتہ دار سی۔
سیاست وج
پڑھن توں بعد نواز شریف سیاست چ آگۓ۔ اصغر خان دی تخریک استقلال وچ آگۓ۔ جنرل ضیاالحق نے اونہاں چ گن ویکھدیاں ہوویاں اونھاں نوں صوبہ پنجاب چ فنینس دا وزیر بنا دتا۔ اس دوران اوہ کھیڈاں دے وزیر وی لگے رۓ۔
وزیر اعلی پنجاب
9 اپریل 1985 نوں نواز شریف پنجاب دے وزیر اعلی بنا دتے گۓ۔ 1988 دے چناؤ وچ اوہ جت کے پنجاب دے فیر وزیر اعلی بن گۓ۔
وزیر اعظم پاکستان
نواز شریف نوں 1 نومبر 1990 نوں پاکستان دے وزیر اعظم دے طور تے چنیا گیا جدوں اونہاں دی پارٹی نے پاکستان پیپلز پارٹی نوں چناؤ چ ہرا دتا۔ 18 اپریل 1993 نوں صدر غلام اصحق خان نے نواز شریف نوں وزیر اعظم دے عہدے توں ہٹا دتا۔ پاکستان دی سپریم کورٹ نے صدر غلام اسحق خان دے اس حکم نوں غلط قرار دے دتا تے نواز شریف نوں وزیر اعظم دے عہدے تے دوبارہ بٹھا دتا پر اونہاں آستے حلات خراب کردتے گۓ سن اس لئی فوج دی مداخلت نال صدر غلام اسحق خان تے نواز نوں اپنے اقتدار چھڈنا پیا۔
وڈے کم
وزیر اعظم دے طور تے اونہاں نے اقتصادی اصلاحات کیتیاں روزگار دے کم کاج دے نۓ رستے پیدا کیتے اسلام آباد توں لہور نوں ملان آلی 333 کلومیٹر لمبی موٹر وے ٹوری اے واستے لوکاں چاونہاں دی عزت ود گئی۔
دوجی واری وزیر اعظم
فروری 1997 نوں نواز شریف بوت وڈے جتھے نال پاکستان دا دوجی آری وزیر اعظم بن گيا۔ وزیر اعظم بنن توں بعد اونہاں نے آئین چ بدلی کردیاں ہوئیاں 58-2b نوں ختم کر دتا تے پارٹی چڈن بدلن تے وی روک لا دتی۔ صدر لغاری نوں اقتدار چھڈنا پیا۔ اسلام آباد نون لہور نال ملان آلی موٹر وے اونہاں پوری کیتی تے اس طرح جی ٹی روڑ توں علاوہ اک نوا رستہ لوکاں نوں ملیا تے مڈلے پنجاب دا تعلق لہور تے اسلام آباد نال گوڑھا ہو گيا۔
پاکستان ستویں ایٹمی طاقت
نواز شریف دا سب توں وڈا کارنامہ پاکستان نوں ستویں ایٹمی طاقت بنانا اے جدوں 28 مئی 1998 نوں ھندستان دے 5 ایٹمی تماکیاں دے جواب چ اونہاں نے 6 ایٹمی تماکے کراۓ۔ اونہاں تے بوت زیادہ امریکہ دا وی تے اندروں وی دباؤ سی کہ اوہ اے نا کرن پر اوہ کر گزرے۔ اونہاں دی اس گل نال دیس چ اونہاں دی ساکھ چ وادا ہوگیا۔
کارگل دا چگڑآ
نواز شریف ھندستان نال تعلقات ٹھیک کرنا چاہ رۓ سن پر جنرل مشرف نوں اے گل چنگی نا لگی۔ جنرل مشرف نے نواز شریف نوں دسے بغیر ای کارگل تے ھندستانی فوج نال لڑائي شروع کردتی جیڑی نقصان آلی ثابت ہوئی۔
مشرف دی بغاوت
12 اکتوبر 1999 نوں نواز شریف نے جنرل مشرف نوں اودھے فوج دے سرداری دے عہدے توں لا دتا۔ پر جنرل مشرف نے ایس حکم نوں نا منیا تے آئین نوں توڑدیاں ہوویاں اقتدار تے قبضہ کر لیا۔ نواز شریف نوں قید کر لیا گیا تے اونہاں تے جہاز اغواہ کرنے تے مقدمے بنا دتے گۓ۔
دیس نکالا
نواز شریف نوں پہلاں تے جیلاں چ رکھیا گیا فیر اونہاں نوں دیس توں دیس نکالا دے کے سعودی عرب پیج دتا گیا جتھے اوہ سعودیاں دے مہمان رۓ۔ ایس دوران اونہاں دے ابا جی محمد شریف مر گۓ۔ تے اونہاں نوں لہور چ دبیا گيا پر نواز شریف تے اونہاں دے ٹبر دے ہور لوکاں نوں اونہاں دے دبن ویلے پاکستان آن دی اجازت نا دتی گئی۔ دس ستمبر 2007 نوں اونہاں نے پاکستان آن دی کوشش کیتی پر اونہاں نوں اسلام آباد دے ہوائی اڈے توں واپس پیج دتا گیا۔
2008 دے چناؤ تے نواز شریف دی واپسی
مشرف سرکار نے 2008 دے شروع چ چناؤ کراۓ نواز شریف چناؤ چ حصہ لین دے آخری دن پاکستان پہنچے۔ اونہاں نوں چناؤ چ حصہ لین دی اجازت نئیں سی پر اونہاں دی پارٹی پاکستان مسلم لیگ ن نے اینہاں چناؤ چ حصہ لے لیا نواز شریف تے اونہاں دی پارٹی نے عقلمندی دا ثبوت دیندیاں ہوویاں صرف پنجاب وچ ای پورا زور لا دتا کیونجہ پنجاب سب توں وڈا صوبہ سی ایتھے اوہ چناؤ وچ سب توں وڈی پارٹی بن کے نکلے تے نواز شریف دا پرا شہباز شریف ایتھے حکومت بنان چ کامیاب ہو گیا۔
نواز شریف نے اے چناؤ اپنے پچھلے کماں تے کھلیاں عدالتاں خاص طور تے چودھری افتخار دا ساتھ دین تے جتے سن۔ بے نظیر بھٹو ماری جا چکی سی تے اودھے میاں آصف علی زرداری مشرف دی سرپرستی نال پاکستان آۓ سن تے اوہ بالآخر ن لیگ دے آسرے نال اسلام آباد چ حکومت بنان چ تے اس توں بعد صدر پاکستان بنن چ کامیاب ہو گۓ۔ زرداری نوں نواز شریف توں خطرہ سی اوناں نے ججاں دی نواز شریف نال بحالی دا وعدہ کیتا ہویا سی پر اوہ اپنے گل مقر گۓ تے ایس دی وجہ توں دوناں پارٹیاں دے درمیان اک دیوار کھڑی ہو گئی۔ زرداری نے سپریم کورٹ دی مدد نال ن لیگ دی سرکار پنجاب چ 25 فروری 2009 نوں ختم کرا دتی۔ پورے دیس چ جدے خلاف بوت وڈا احتجاج ہویا۔ اس ویلے ن لیگ دوجیاں پارٹیاں نال مل کے ججاں نوں بحال کران دی کوشش کر رئی اے تے اسلام آباد چ دھرنا وی دے رئی اے۔
نواز شریف اس ویلے پاکستان دے سب توں وڈے تے مدبر سیاسی لیڈر نے۔
چیف جسٹس تے لانگ مارچ
نواز شریف نوں لانگ مارچ توں روکن لئ اوناں نون لہور چ اوناں دے کعر چ بند کر دتا گیا نالے اوناں نوں ڈرایا گیا جے اوہ بلر نکلے اوناں نوں دہشتگرد قتل کر دین گے۔ نواز شریف نے اس گل نوں نا منیا تے سویرے 15 مارچ 2009 نوں لہور آلیاں نوں بلایا کہ اوہ اونہاں دے نال کعراں توں نکلن سڑکاں تے آجن تے اسلام آباد دی طرف مارچ کرن تاں جہ مشرف دی لائۓ ہوۓ ججاں نوں بدلیا جاۓ۔ اوہ جرت کر کے کعروں بار نکل آۓ۔ پولیس نے اونہاں نوں روکنے دی بڑی کوشش کیتی پورے پاکستان نوں کنٹینر لا کے بند کر دتا گیا سی گا اسلام آباد جان آلے سارے راہ بند سن لوک اونہاں نال ملدے گۓ ہلے اوہ گجرانوالہ توں پچھے ای سن جہ سرکار نے اونہاں دی گل من لئی تے چیف جسٹس افتخار چوہدری نوں دوبارہ نوکری تے بلا لیا گیا۔ پاکستان چ انصاف دین آلی عدلیہ دی لڑائی لڑنا تے اونہوں جیت لینا نواز شریف دا بوت وڈا کم اے۔