Theodor Mommsen

Theodor Mommsen

Theodor Mommsen (30. November 1817- 1. November 1903) waas n noudfräisken Koaster un Professor in do klassiske Feeke. Hie wäd algemeen betrachted as die wichtichste klassiske Historiker fon dät 19. Jierhunnert. Sien Oarbaid uur ju roomske Geschichte is däälich noch uuterst wichtich foar Ätterfoarskenge uur dät Themoa. Hie häd ju Nobelpries foar Literatuur kriegen in 1902 un waas uk n fierenden düütsken Politiker, as Meeglid fon dät prüüske as uk fon dät düütske Parlament.

Lieuwensloop

Mommsen is in Garding in Eiderstääd in Sleeswik gebooren un is apwoaksen in Bad Oldesloe. Hie waas eerst Geschichts-Professor an ju Universität fon Leipzig, is dan in 1858 Meeglid wuuden fon ju Akademie fon Wietenskuppe un ätters in 1861 Professor in ju roomske Geschichte an ju Universität fon Berlin.

Hie häd fuul Eerenbetjuugengen kriegen foar sien wietenskuppelke Laistengen: die “blaue Max”, ju hoochste militäre Eerenbetjuugenge in 1868; Eerenburgerskup fon Room, un ju Nobelpries, aan fon do min Seekliteratuur-Schrieuwere, do der ju Tou-Ärkannenge kreegen.

Wietenskuppelke Wierke

Ju Geschichte fon Room: ju Oarbaid ärscheen in tjo Beende twiske 1854 un 1856. Ju däkt ju roomske Geschichte bit tou dät Eende fon ju roomske Republik un ju Heerskup fon Julius Caesar. Roomsk gruundsätselk Gjucht: (1871-1888) Roomsk Stroafgjucht (1899) un moor as 1500 wiedere Oarbaide un Ferhonnelengen uur uur individuelle Themen.

Nobelpriesfakte

Mommsen waas bee die ooldste Persoon uum aal sieläärge ju Literatuurpries tou ärooberjen (hie waas do 85 Jier oold) un uk die Persoon mäd dät ädderste Gebuursdoatum (1817).

Ferwiese ätter buuten

• Theodor Mommsen as „Klassiker der Geschichtswissenschaft“
• Biographische Waiwiesengen
• Mommsens Roomske Geschichte, düütsk un ängelsk, bai Project Gutenberg
• Römische Geschichte ap privoate homepage
• Ätterroup uut ju Tied
• Phönix aus der Asche Theodor Mommsen un do Monumenta Germaniae Historica; Katalog tou ju Uutstaalenge ... an ju Berlin-Brandenburgiske Akademie fon do Wietenskuppe fon dän 25. November bit toun 21. Desämber 2005, Konzeption un Kataloggestaltenge fon Arno Mentzel-Reuters, Mark Mersiowsky, Peter Orth, Olaf B. Rader. (PDF, 8,32 MB, Leedetied bie DSL 1000 ca. 4 Min.)
• Lieuwensloop, Stambooom, Sitoate, Galerie ... ap privoate homepage fon ju Famielje Mommsen