17 Virginis
17 Virginis (17 Vir / HD 107705 / HR 4708) ye una estrella na constelación de Virgo de magnitú aparente +6,46,[1] polo que namái ye visible a simple vista con bones condiciones de visibilidá. Atópase a 97 años lluz del Sistema Solar.
Constelación | Virgo |
Ascensión reuta α | 12h 22min 32,04s |
Declinación δ | +05º 18’ 19,6’’ |
Distancia | 97 años lluz |
Magnitú visual | +6,46 |
Magnitú absoluta | +4,06 |
Lluminosidá | 2,1 soles |
Temperatura | 6250 K |
Masa | 1,22 soles |
Radiu | 1,2 soles |
Tipu espectral | F8V |
Velocidá radial | +5,1 km/s |
17 Virginis ye una estrella binaria que la so componente principal ye una nana mariella de tipu espectral F8V.[1] Con una temperatura de 6250 K ye unos 470 K más caliente qu'el Sol; ye tamién más lluminosa, aprosimao'l doble que'l Sol, siendo el so radiu un 20% más grande qu'el radiu solar. La so masa ye d'aprosimao 1,22 mases solares. Ye una estrella de característiques asemeyaes a HD 179949 o 94 Ceti, ésta última tamién binaria. A diferencia d'estos dos estrelles, nun se detectó hasta la fecha nengún planeta estrasolar en redol a 17 Virginis.[2]
La componente secundaria del sistema ye una nana naranxa de tipu espectral K5V y magnitú +9,2,[3] con una masa envalorada del 75% de la masa solar. Ye una estrella similar a otres estrelles más cercanes como 61 Cygni A o Épsilon Indi A, pudiendo ser una estrella variable. Visualmente a 20 segundos d'arcu de la estrella primaria, la separación real ente los dos componentes del sistema ye d'unes 775 UA, ensin que se conoza la escentricidá de la órbita.[2]
El sistema tien una metalicidá —bayura relativa de elementos más pesaos qu'el heliu— bien paecida a la del Sol ([Fe/H] = + 0,04) y la so edá envalórase en 2500 millones d'años.[4]
Referencies
- ↑ 1,0 1,1 17 Virginis (SIMBAD)
- ↑ BD+06 2599B (SIMBAD)
- ↑ Holmberg, J.; Nordström, B.; Andersen, J. (2009). «The Geneva-Copenhagen survey of the solar neighbourhood. III. Improved distances, ages, and kinematics». Astronomy and Astrophysics 501 (3). pp. 941-947 (Tabla consultada en CDS). http://cdsads.u-strasbg.fr/cgi-bin/nph-bib_query?2009A%26A...501..941H&db_key=AST&nosetcookie=1.