Mansarda
Mansarda edo mansarda teilatua, baita frantziar teilatua deitua ere, uralde apurtuak dituen estalpe edo teilatu mota bat da, honetan behealdeak goialdeak baina malda gehiago du, eta bi atalak ertz batez elkartuak daude. Orokorrean, lau uretako teilatua da, gehienetan txapitula-lehioak dituena. Teilatuaren maldak eta txapitulek estalpean dagoen eremua etxebizitza gisa egokitzea ahalbideratzen dute, frantsesez chambre de bonne deritzona.
Teilatu mota honen izenak François Mansart (1598-1666) aipamen egiten dio, Frantzian hedatu eta arkitektur elementu ohikoa bilakatu baitzuen. Haren Jules Hardouin Mansart senideak arkitektur elemetu honi prestigioa eman zion, Versaillesko jauregian erabili baitzuen. Ordutik, bai Frantzian nahiz mundu osoko frantziar estiloko jauregi eta jauretxetan oso ohikoa den teilatu mora da.
