Europa Universalis IV
Europa Universalis IV é un videoxogo de estratexia desenvolvido por Paradox Development Studio[1][2] e publicado por Paradox Interactive.[3] Foi anunciado en agosto de 2012 e púxose á venda o 13 de agosto de 2013.[4]
| Europa Universalis IV | |
|---|---|
| Desenvolvedor(es) | Paradox Development Studio |
| Distribuidora(s) | Paradox Interactive |
| Director(es) | Johan Andersson |
| Motor | Clausewitz Engine 2.5 |
| Versión | 1.11.4 |
| Lanzamento | 13 de agosto de 2013 |
| Xénero | Estratexia en tempo real |
| Modos de xogo | Un xogador / Multixogador |
| Clasificación | PEGI  ESRB  |
| Plataforma(s) | Windows, Mac OS X, Linux |
| Controis | Rato e teclado |
| Serie | Europa Universalis |
| Na rede | |
| https://www.paradoxplaza.com/europa-universalis-all/ | |
  | |
| [ editar datos en Wikidata ] | |
Características
editarO xogo está ambientado principalmente na era dos descubrimentos e a colonización do novo mundo. Comeza no contexto histórico do final da Guerra dos Cen Anos e a caída do Imperio Bizantino e continúa a través das revolucións americana e francesa, e conclúe tras as Guerras Napoleónicas. Con todo, durante o desenvolvemento do xogo, as decisións do xogador alterarán radicalmente o curso da historia, polo que cara ao final do xogo gran parte do mundo diferirá, en gran medida, da realidade. Centos de nacións deste período están dispoñibles, desde as superpotencias como España, Francia ou Inglaterra até as potencias rexionais como Persia e Baviera e outros grupos como os nativos americanos e as civilizacións orientais.
O mapa de xogo comprende o mundo enteiro (exceptuando as rexións polares), e os xogadores son libres para explorar e expandirse por practicamente todo o territorio explorado historicamente durante os anos nos que se desenvolve o xogo. Hai distintos escenarios históricos entre os cales o xogador pode elixir comezar a partida, como o descubrimento de América en 1492, a Guerra dos Trinta Anos ou a Guerra de Sucesión Española entre outros.
A campaña principal comeza o 11 de novembro de 1444 e finaliza o 2 de xaneiro de 1821.
Contido descargable
editar| Nome | Parche | Tipo | Data de lanzamento |
|---|---|---|---|
| Conquest of Paradise | 1.4 | Expansión | 11 de xaneiro de 2024 |
| Wealth of Nations | 1.6 | Expansión | 29 de maio de 2014 |
| Res Publica | 1.7 | Expansión | 16 de xullo de 2014 |
| Art of War | 1.8 | Expansión | 30 de outubro de 2014 |
| El Dorado | 1.10 | Expansión | 26 de febreiro de 2015 |
| Common Sense | 1.12 | Expansión | 9 de xuño de 2015 |
| The Cossacks | 1.14 | Expansión | 1 de decembro de 2015 |
| Mare Nostrum | 1.16 | Expansión | 5 de abril de 2016 |
| Rights of Man | 1.18 | Expansión | 11 de outubro de 2016 |
| Mandate of Heaven | 1.20 | Expansión | 6 de abril de 2017 |
| Third Rome | 1.22 | Paquete de inmersión | 14 de xuño de 2017 |
| Cradle of Civilization | 1.23 | Expansión | 6 de novembro de 2017 |
| Rule Britannia | 1.25 | Paquete de inmersión | 20 de marzo de 2018 |
| Dharma | 1.26 | Expansión | 6 de setembro de 2018 |
| Golden Century | 1.28 | Paquete de inmersión | 11 de decembro de 2018 |
| Emperor | 1.30 | Expansión | 9 de xuño de 2020 |
| Leviathan | 1.31 | Expansión | 27 de abril de 2021 |
| Origins | 1.32 | Paquete de inmersión | 11 de novembro de 2021 |
| Lions of the North | 1.34 | Paquete de inmersión | 13 de setembro de 2022 |
| Domination | 1.35 | Expansión | 18 de abril de 2023 |
| King of Kings | 1.36 | Paquete de inmersión | 6 de novembro de 2023 |
| Winds of Change | 1.37 | Expansión | 8 de maio de 2024 |
Conquest of Paradise
editarO 4 de novembro de 2013, Paradox anunciou a expansión Conquest of Paradise prevista para xaneiro de 2014.[5] Unha expansión de contidos que dará a oportunidade ao xogador de explorar o Novo Mundo, á vez que nos permitirá encarnar a algunha das nacións nativas de América, coas súas propias mecánicas de xogo federais, ideas nacionais, construcións e eventos.
Do mesmo xeito, desde Europa poderemos enviar os nosos barcos para colonizar estas novas terras, que poderemos converter en colonias da nosa nación, a risco de sufrir tamén guerras e revoltas. Doutra banda, desde Paradox Interactive aseguran que esta expansión outorgará unha maior importancia a a exploración do territorio, co fin de transmitir o mesmo espírito aventureiro que acompañou aos colonos que chegaron ao Novo Mundo. Ademais, convén ter en conta que as nacións nativas de América desenvolverán a súa vida de forma realista, podendo invadir outros territorios si así o cren oportuno, aliarse con outras nacións, etc.
Wealth of Nations
editarA segunda expansión para Europa Universalis IV, engade melloras significativas ao comercio e ás repúblicas mercantes, ademais dun parche grande que fai correccións ao balance do xogo.[6][7]
Res Publica
editarRes Republica é a terceira expansión do xogo. Engade novas melloras ao goberno e ao comercio, ademais de mellorar por completo algúns eventos. Foi lanzada o 16 de xullo de 2014.[8]
Art of War
editarArt of War é a cuarta expansión de Europa Universalis IV, trae novas melloras no apartado das frotas, habilitar a xogabilidade das revolucións e influír e cambiar as formas de goberno doutros países, a relixión católica (posibilidade de usar a influencia papal para conseguir prestixio, estabilidade...etc), unha profunda reforma no continente americano con novas provincias engadidas, ademais de nacións. Moitos países obterán ideas propias. O lanzamento da expansión é o 30 de outubro de 2014.[9]
El Dorado
editarEl Dorado é a quinta expansión de Europa Universalis IV, incluíndo mellorar no sistema de nacións de América Central e América do Sur, así como nas súas relixións. Tamén engade un novo e interesante sistema: O editor de Nacións, co cal se poden crear desde cero novas nacións, modificando todas as súas características, como a súa bandeira, o seu territorio, a súa forma de goberno ou as súas ideas. Foi lanzada o 26 de xaneiro de 2015.
The cossacks
editarThe cossacks é a sexta expansión de Europa Universalis IV, nesta inclúense melloras na diplomacia, espionaxe e cambios culturais, políticas de acción cos nativos e un novo sistema de arrasamento de provincias e puntos de unión de horda (nas nacións nómades). Agora o tengrismo é unha relixión sincrética, e pode coexistir con outra.
Implantouse un novo sistema interno de clases sociais (burgueses, clero, nobres, dhimmis, tribos e cosacos) cos cales se debe interactuar e controlar a súa lealdade e influencia. Esta lanzouse o 1 de decembro de 2015.
Notas
editar- ↑ "Paradox Development Studio". Arquivado dende o orixinal o 10 de maio de 2014. Consultado o 16 de agosto de 2012.
- ↑ "Official Press Release". Consultado o 16 de agosto de 2012.
- ↑ Haas, Pete (10 de agosto de 2012). "Grand Strategy Game Europa Universalis 4 Coming In 2013". Consultado o 10 de agosto de 2012.
- ↑ "Europa Universalis IV - Paradox Store". Arquivado dende o orixinal o 13 de maio de 2014. Consultado o 26 de maio de 2016.
- ↑ Paradox Arquivado 13 de febreiro de 2014 en Wayback Machine. (en inglés)Plantilla:Lien Web
- ↑ "Europa Universalis 4's Wealth of Nations expansion detailed by Paradox". Consultado o 19 de febreiro de 2014.
- ↑ "Paradox announces Europa Universalis IV: Wealth of Nations". Arquivado dende o orixinal o 31 de xaneiro de 2014. Consultado o 2 de febreiro de 2014.
- ↑ "Europa Universalis 4 targets trade and governance in Res Publica mini-expansion". Consultado o 17 de xuño de 2014.
- ↑ "Europa Universalis 4 Art of War". Arquivado dende o orixinal o 27 de outubro de 2014. Consultado o 27 de outubro de 2014.
Véxase tamén
editarLigazóns externas
editar- Web oficial (en inglés)