Internaciona Film-festo di Berlin
L'Internaciona Film-festo di Berlin, anke kurtigit a Berlinale, esas un de la maxim importanta film-festi di la mondo. Singla yaro en la monato februaro en Berlin montresas cirkume 400 filmi dum du semani. La Film-festo di Berlin unesma-foye organizesis la 6ma di julio 1951, ube ol apertesis per la filmo Rebecca da Alfred Hitchcock.
La film-festo havas diversa jurii por du kategorii, qui donas l'oficala premii di la Film-festo di Berlin. La maxim importanta premii di la film-festo esas l' Ora Urso e l'Arjenta Urso.
Dum la film-festo anke esas alternativa jurii di diferant instituti qui donas nedependanta premii, interaltre Amnestio Internaciona por la maxim bona dokumentalo pri homala yuri, la premio Teddy por la maxim bona HBTI-filmo, l'ekumena jurio - por organizuro de katoliki e protestanti, ed esas premio di unionita Germana film-teatri.