Saeptum nationale Yellowstone

Saeptum nationale Yellowstone^[1] vel Yellowston(i)ense^[2], seu Latine Saxi Flavi,^[3] est saeptum nationale Civitatum Foederatarum antiquissimum (anno 1872 conditum) et famosissimum. Anno 1978 in UNESCO Mundi Hereditate regestum est.

Area saepti Yellowstoniensis 8983 chm² est, quorum 96% in civitate Vyomina sitae sunt, 3% in Montana et 1% in Idaho. Planities elata Yellowstoniensis, quae partem saepti nationalis maiorem occupat, iugis Montium Saxosorum ab omni parte circumcincta est. Mons altissimus in saepto est Cacumen Aquilae (Eagle Peak) 3462 m altitudinis. In media parte caldera vulcanica immanis (diametro a 55 ad 75 chm) iacet. Aquae calidae salientes permultae et fontes calidi, quorum numerus non minor est, in saeptum curiosos plurimos adducunt. Per Yellowstoniam lacum magnum flumen eiusdem nominis transit; hoc est flumen saepti nationalis maximum; in hoc flumine et aquae cadentes 95 m altitudinis sitae sunt, et canno profundus. Alterum flumen saepti nationalis magnum est flumen Serpentis (Snake), Columbiae fluminis accola.

Campi lavae et saxa nuda multa loca saepti operunt, sed cetera silvosa sunt; arborum silvae saepti Yellowstoniensis 80% sunt Pinus contortae, ceterae arbores vulgatae sunt Pseudotsuga menziesii, Pinus albicaulis et Pinus monticola. Abronia ammophila et Agrostis rossae sunt saepti endemici. Bisontum populatio in saepto Yellowstoniensi nunc maxima est Americae; ceterae bestiae sunt Ursus americanus et Ursus arctos, Cervus canadensis, Alces americanus, Odocoileus hemionus, Oreamnos americanus etc. Anno 1926 lupi omnes in saepto interfecti sunt, ne cervos devorent; sed cervis aegris saepius factis post annum 1935 rursus introducuntur.

Expeditio Meriwetheris Lewis et Gulielmi Clarke^(en) anno 1805 prima haec loca exploravit, et Ioannes Colter eorum socius anno 1807 primus fontes calidos invenit. Sed eorum nuntia fide carere putabantur, donec Davidis Folsom expeditio anno 1869 per Yellowstoniam flumen ad lacum Yellowstoniam pervenit.

Notae

↑ Cf. yellowstonensis in binominibus.
↑ Cf. yellowstoniensis in binominibus.
↑ Cf. pelliculam Petri Sipes. Et Lapidis Flavi (v. Florentini Smarandache^(d) photographemata), Saxi Fulvi, Petrae Croceae etc. Nomen Anglicum Yellowstone est versio nominis Roche Jaune Francogallici, quod et ipsum versio nominis Indiani eodem sensu Nissi-a-dazi dicitur (Boris Parashkevov, Wörter und Namen gleicher Herkunft und Struktur: Lexikon etymologischer Dubletten im Deutschen, 2004, p. 336; Adrian Room, An Alphabetical Guide to the Language of Name Studies, 1996, p. 49).

Bibliographia

Chittenden, Hiram Martin. 2018. The Yellowstone National Park. ) [https://books.google.com/books?hl=en&lr=&id=gCpwDwAAQBAJ&oi=fnd&pg=PA10&dq=Yellowstone+national+park&ots=89dbuOu8-s&sig=VsNJ6WUILqdCKZZcNgFMADfRsRw#v=onepage&q=Yellowstone%20national%20park&f=false Google Books.
Christiansen, Robert L., and H. Richard Blank Jr. 1972. "Geology of Yellowstone National Park." US Geological Survey professional paper. Textus interretialis.
Fournier, Robert O. 1989. "Geochemistry and dynamics of the Yellowstone National Park hydrothermal system." Annual review of earth and planetary sciences 17 (1): 13–53. Textus interretialis.
Gunther, Kerry A. 1994. "Bear management in Yellowstone National Park, 1960-93." In Bears: their biology and management, 549–560. Textus interretialis.
Haines, Aubrey L. 1974. Yellowstone National Park: its exploration and establishment. US National Park Service. Textus interretialis..
Jackson, W. Turrentine. 1942. "The Creation of Yellowstone National Park." Mississippi Valley Historical Review 29 (2): 187–206. Textus interretialis.
Keefer, William R. 1971. The geologic story of Yellowstone National Park. US Government Printing Office. Textus interretialis.
Whittlesey, Lee H. 2002, "Native Americans, the Earliest Interpreters: What is Known About Their Legends and Stories of Yellowstone National Park and the Complexities of Interpreting Them." The George Wright Forum, prolatum a George Wright Society, 19 (3): 40–51. JSTOR 43598916.

Nexus externi

Vicimedia Communia plura habent quae ad Saeptum Nationale Lapis Flavi spectant.

Vide Saeptum Nationale Lapis Flavi apud Vicifontem.

Situs geographici et historici: Locus: 44°36′0″N 110°30′0″W • OpenStreetMap • GeoNames • Thesaurus Getty • Store norske Lexikon • "1609331" apud USGS • Большая российская энциклопедия

[1] Cf. yellowstonensis in binominibus.

[2] Cf. yellowstoniensis in binominibus.

[3] Cf. pelliculam Petri Sipes. Et Lapidis Flavi (v. Florentini Smarandache^(d) photographemata), Saxi Fulvi, Petrae Croceae etc. Nomen Anglicum Yellowstone est versio nominis Roche Jaune Francogallici, quod et ipsum versio nominis Indiani eodem sensu Nissi-a-dazi dicitur (Boris Parashkevov, Wörter und Namen gleicher Herkunft und Struktur: Lexikon etymologischer Dubletten im Deutschen, 2004, p. 336; Adrian Room, An Alphabetical Guide to the Language of Name Studies, 1996, p. 49).

[1]

[2]

[3]