C/2012 S1 (ISON)
C/2012 S1 (ISON) | |
Egenschoppen vun’n Orbit (Simulatschoon) | |
---|---|
Orbitklass | hyperbolisch |
Perihel — Aphel | 0,012 — AE |
Bahnexzentrizität | 1 |
Bahnnegen gegen de Ekliptik | 61,8 ° |
Physikaalsch Egenschoppen | |
Periheldörgang | 28. November 2013 |
Historie | |
opdeckt vun | Witali Newski, Artjom Nowitschonok |
an’n | 21. September 2012 |
in | International Scientific Optical Network (ISON) |
C/2012 S1 (ISON) is en Komet, de in’n September 2012 opdeckt worrn is un an’n 28. November 2013 wohrschienlich teemlich dicht an de Sünn vörbi kamen warrt. De Afstand vun de Sünn warrt dorbi ruchweg 0,012 AE bedrägen – dat is ruchweg een Sünndörmeter. Dormit höört C/2012 S1 (ISON) to de so nöömten Sünnstriepers, is aver keen Fragent ut de Kreutz-Grupp. Dat is antonehmen, dat de Komet ut de Oortsche Wulk stammt. Dat kann woll passeren, dat de Komet in de Neeg vun de Sünn dör de hogen Temperaturen un de Tiedenkräft (Roche-Grenz) tweireten warrt.
Opdecken
De Komet is an’n 21. September 2012 vun Witali Newski (Виталий Невский) ut Wittrussland un Artjom Nowitschonok (Артём Новичонок) ut Russland op CCD-Biller opdeckt worrn, de se mit en 40-cm-Teleskop vun’t International Scientific Optical Network (ISON) maakt harrn.
Transit vörbi an’n Mars un an de Eer
An’n 1. Oktober 2013 warrt de Komet op sien Bahn in ruchweg 10,9 Millionen Kilometer Afstand an’n Mars vörbikamen un künn dorbi vun de Ruumsonden un vun de Rovers üm un op den Planeten beobacht warrn. An’n dichtsten an de Eer kummt de Komet (oder ok sien Överresten) in de Nacht vun’n 26. op’n 27. Dezember 2013 mit en Afstand vun üm un bi 60 Millionen Kilometers.
Sichtborkeit
De Forschers gaht dorvun ut, dat de Komet ISON vun Anfang November 2013 bit Mitt vun’n Januar 2014 mit free Oog to sehn is. För korte Tiet künn he dorbi ruchweg so hell warrn as de Vullmaand.