Det bangladeshiske flagget
Det bangladeshiske flagget. Proporsjonar: 3:5
Det bangladeshiske flagget er danna av ei raud skive på grøn bakgrunn. Det raude symboliserer blodet som blei spilla under frigjeringskrigen til Bangladesh, eller ei gryande sol. Det grøne representerer det frodige landet. Flagget blei offisielt godkjent 17. januar 1972, og er basert på eit liknande flagg som blei brukt under den bangladeshiske frigjeringskrigen.[1][2]
Flagget minner om det japanske flagget, som har tilsvarande oppbygning med kvit bakgrunn i staden for grøn.
Andre flagg
[endre | endre wikiteksten]Bangladesh har eit handelsflagg etter britisk mønster, det vil seia ein såkalla red ensign, der nasjonalflagget er sett inn i kantonen på ein raud flaggduk. Handelsflagget har storleiksforholdet 1:2 Orlogsflagget er tilsvarande, berre at flaggduken er kvit. Dette minner på om ein britisk white ensign, men utan den raude krossen.
-
Handelsflagg. Proporsjonar: 1:2 -
Orlogsflagg. Proporsjonar: 1:2 -
Flagget til luftvåpenet. Proporsjonar: 1:2
Kjelder
[endre | endre wikiteksten]- ↑ Flag of Bangladesh Arkivert 23. mai 2006 på Wayback Machine. Arkivert 23 May 2006 ved Wayback Machine., Flags of the World.
- ↑ "Lonely Planet: Bangladesh", 4th Edition, Lonely Planet Publications, (Desember 2000), ISBN 0-86442-667-4.
- Denne artikkelen bygger på «Bangladeshs flagg» frå Wikipedia på bokmål, den 9. august 2024.