சும்பிட் ஊதுளி
சும்பிட் அல்லது சும்பிட் ஊதுளி (ஆங்கிலம்: Sumpit; Sumpitan; இந்தோனேசியம்: Sumpit (senjata)) என்பது பிலிப்பீன்சு, போர்னியோ மற்றும் சுலாவெசி தீவுகளில் வாழும் பழங்குடி மக்களால்; வேட்டையாடுவதற்கும் போரிடுவதற்கும் பயன்படுத்தப்படும் ஊதுளி கருவியாகும். மூங்கில் அல்லது மரத்தால் செய்யப்பட்ட இந்தக் கருவி, பொதுவாக இரும்பிலான கூர் முனைகளைக் கொண்டு இருக்கும்.[1]
ஊதுகுழல் வகையைச் சேர்ந்த இந்த ஊதுளிக் கருவியின் கூர்முனைகள்; பயன்படுத்துவதற்கு முன்னர் நச்சுத் தன்மை வாய்ந்த திரவத்தில் தோய்த்துக் காய வைக்கப்பட்டு இருக்கும்.
பொது
[தொகு]சும்பிட் ஊதுளிகள் பொதுவாக மூங்கிலில் இருந்து தயாரிக்கப் படுகின்றன. ஆனால் சில வேளைகளில், அவை மரத்தில் இருந்தும் செய்யப் படலாம். அவை வழக்கமாக 4 முதல் 6 அடி (1.2 முதல் 1.8 மீ) நீளமும், 2 முதல் 3 செமீ (0.79 முதல் 1.18 அங்குலம்) விட்டமும் கொண்டவை. அவை ஒரு மரத் துண்டு அல்லது இரண்டு, மூன்று மரத் துண்டுகளில் இருந்தும் இணைக்கப் படலாம்.
போருக்குப் பயன்படுத்தப்படும் ஊதுளிகளில் பொதுவாக மரத்தாலான கூர்முனைகள் பயன்படுத்தப் படுகின்றன. கூர்முனைகள் மிகக் குறுகியவை; கடுமையான உடல் காயங்களை ஏற்படுத்தக் கூடியவை.[1] எனவே போரில் பயன்படுத்தப்படும்போதும் அல்லது பெரிய விலங்குகளை வேட்டையாடும்போதும், அந்தக் கூர்முனைகள், நச்சுப் பொருள் கலந்த குப்பிக்குள் வைத்து நனைக்கப் படுகின்றன.[2]
நச்சுக் கூர் முனைகள்
[தொகு]அந்த நச்சுக்கலவை ஆன்டியாரிஸ் டாக்ஸிகேரியா (Antiaris Toxicaria) மரத்தின் செறிவூட்டப்பட்ட சாறில் இருந்து தயாரிக்கப்படுகிறது. அந்தச் சாற்றில் ஆன்டிஆரின் (Antiarin) என்ற நச்சு உள்ளது. அது வலிப்பு மற்றும் றப்பை ஏற்படுத்தும். இந்த நச்சு ஊதுளிகளால் கொல்லப்படும் விலங்குகள் உண்பதற்கு பாதுகாப்பானவை.[2]
1912-ஆம் ஆண்டில் பிலிப்பீன்சு நாட்டில் அமெரிக்க ஆய்வாளர்கள், சும்பிட் ஊதுளியின் நச்சு முனை பாய்ந்து செல்லும் உச்சவரம்பு 150 முதல் 180 அடி (46 முதல் 55 மீ) என பதிவு செய்துள்ளனர்.[3]
காட்சியகம்
[தொகு]-
-
-
மக்காசார் போர்வீரர்கள் (c. 1744–1746)
.png)
_(14598123498).jpg)
மேலும் காண்க
[தொகு]மேற்கோள்கள்
[தொகு]- ↑ 1.0 1.1 Marinas, Amante P. Sr. (17 April 2012). Blowgun Techniques: The Definitive Guide to Modern and Traditional Blowgun Techniques. Tuttle Publishing. பன்னாட்டுத் தரப்புத்தக எண் 9781462905546.
- ↑ 2.0 2.1 Darmadi, Hamid (30 March 2018). "Sumpit (Blowgun) as Traditional Weapons with Dayak High Protection". Journal of Education, Teaching and Learning 3 (1): 113. doi:10.26737/jetl.v3i1.601.
- ↑ "Sumpit: The Filipino blowgun". The Manila Times. 24 January 2015. https://www.manilatimes.net/2015/01/24/sports/sumpit-filipino-blowgun/157871/.