Анатолий Бишовец

Анатолий Бишовец

Бйшовец ин 1970
Шахсий маълумот
Тўлиқ исми	Анатолий Фёдорович Бишовец
Таваллуд санаси	23-апрел 1946-йил (1946-04-23)
Таваллуд жойи	Киев, Украина ССР, Совет Иттифоқи
Бўйи	1.76 м
Ёшлигида аъзо бўлган клублар
	Динамо Киев
Профессионал фаолияти*
Йиллар	Жамоа	Ишт.	(Гол.)
1963–1973	Динамо Киев	139	(49)
Миллий терма жамоа
1966–1972	Совет Иттифоқи	39	(15)
Бошқарган клублари
1982–1985	Совет Иттифоқи (Ёшлар жамоаси)
1986–1988	Совет Иттифоқи (олимпия)
1988–1990	Динамо Москва
1990–1992	Совет Иттифоқи / МДҲ
1992–1993	АЭЛ Лимассол
1994	Жанубий Корея (маслаҳатчи)
1994–1995	Жанубий Корея
1995–1996	Жанубий Корея (Олимпия)
1997–1998	Зенит Санкт Петербург
1998	Россия
1998–1999	Шакҳтар Донецк
2003	Марíтимо
2005	Том Томск
2006–2007	Локомотив Москва
2009	Кубан Краснодар (Маслаҳатчи)
2011	Уфа (Маслаҳатчи)
*Профессионал клублардаги голлари (ички чемпионат)

Анатолий Фёдорович Бишовец (русча: Анатолий Фёдорович Бышовец, украинча: Анато́лій Фе́дорович Бишове́ць; 1946-йил 23-апрелда туғилган) – асли украиналик бўлган совет ва россиялик футбол мураббийи, собиқ совет терма жамоаси ҳужумчиси. У бутун профессионал фаолиятини Киевнинг „Динамо“ клубида ўтказган. 1988-йилги ёзги Олимпия ўйинларида Совет терма жамоаси билан мураббий сифатида Олимпия олтин медалини қўлга киритган. Анатолий СССР, Россия ва Жанубий Корея терма жамоаларини ҳам бошқарган. 1996-йилги Атланта Олимпиадасида Жанубий Корея У-23 терма жамоасига ҳам мураббийлик қилган. Бишовец энг муваффақиятли замонавий рус мураббийларидан бири.

Футболчилик фаолияти

Бишовец дастлаб „Динамо Киэв“ ёшлар жамоасида, кейинчалик эса 1963—1973-йилларда асосий жамоа таркибида ўйнаган. Бишовец Киевликлар таркибида тўрт марта (1966, 1967, 1968, 1971) Совет Иттифоқи чемпионлигини ва икки марта (1964, 1966) Совет Кубогини қўлга киритган. Бишовец 1970-йилги Жаҳон чемпионатида Совет Иттифоқи таркибида ўйнаб, тўртта гол муаллифи бўлган.

Мураббийлик фаолияти

Футболчилик фаолиятини 1973-йилда якунлаган Бишовец Киевнинг „Динамо“ футбол мактабида иш бошлаган. 1988-йилда Совет терма жамоаси билан Олимпиада олтин медалини қўлга киритган. Шунингдек, у турли клублар ва учта терма жамоани (СССР, Россия ва Жанубий Корея) бошқарган.

Бишовец шунингдек, Маҳачқалъанинг „Анжи“ клубида маслаҳатчи (2003), „Химки“ жамоасида вице-президент (2003-2004) ва „Ҳеарц“ клубида (2004-2005) спорт директори бўлган. У 1994-йилда Жанубий Корея терма жамоасининг биринчи хорижлик мураббийига айланган.

2005-йил Том жамоасини тарк этганидан сўнг, бир йил ишсиз бўлганидан сўнг, Бишовец Россия Премер-лигасининг „Локомотив“ клубига мураббий бўлган. 2007-йилда „Локомотив“ Бишовец билан Россия кубогини қўлга киритган, бу Бйшовецга матбуотда ҳам, мухлисларда ҳам ижобий имидж келтирган. Аммо Бйшовец қўл остида клуб Чемпионлар лигаси амбицияларига қарамай, „Локомотив“ Россия Премер-лигасида муваффақият қозона олмаган. 2007-йилги мавсум тугаганидан кейинги куни у ишдан бўшатилган.

2009-йил октябр ойида у ФК Кубан Краснодар томонидан маслаҳатчи сифатида ишга қабул қилинган. У бир ойдан кўпроқ вақт ўтгач, 2009-йил 17-ноябрда Кубанни тарк этган ва кейинчалик клуб тарқатиб юборилган.

Ҳаволалар

• „Россия жамоасидаги профил“ (ру). 2012-йил 30-сентябрда асл нусхадан архивланган.
• зенит-ҳисторй.ру сайтидаги профил
• „ЛивеЖоурнал профили“. 2012-йил 26-январда асл нусхадан архивланган. Қаралди: 2014-йил 22-апрел.