Tori Bowie

Tori Bowie
Statsborgarskap	USA
Fødd	27. august 1990 Sand Hill
Død	23. april 2023 (32 år) Horizon West
Idrett	friidrett
Tok del i	VM i friidrett 2015 – 100 meter damer, VM i friidrett innendørs 2014, Friidrett under Sommer-OL 2016 – 4 × 100 meter stafett kvinner, Friidrett under Sommer-OL 2016 – 100 meter kvinner, Friidrett under Sommer-OL 2016 – 200 meter kvinner, VM i friidrett 2017 – 100 meter kvinner, VM i friidrett 2017 – 4 × 100 meter stafett kvinner

Frentorish Bowie, kjend som Tori Bowie (27. august 1990–23. april 2023) var ein USA-amerikansk friidrettsutøvar frå Sand Hill i delstaten Mississippi som vart verdsmeister på 100 meter i 2017. Ho vann også gullmedalje i 4 x 100 m stafett under Sommar-OL 2016 og VM i friidrett 2017.

Karriere

Bowie tok steget opp i den nasjonale eliten i sprint og lengdehopp i 2013-sesongen, med personbeste 11,14 sekund på 100 m og 6,91 meter i lengde. I 2014 vann ho 200 meter i DL-stemnet i Eugene på ny personbeste, 22,18 sekund. Ho vann 100-meteren i tre DL-stemne og sette ein glitrande personleg rekord med 10,80 i Monaco. I 2015 vann ho bronsemedaljen på 100 m då ho debuterte i friidretts-VM 2015.

OL-sesongen 2016 betra Bowie sin personlege rekord på 100-meter til 10,78 sekund i Eugene i delstaten Oregon. I Rio de Janeiro tok ho sølv på 100 meter, bronse på 200 m og fullførte medaljehaustinga då ho sprang USA inn til OL-gull i 4 x 100 m stafett, etter at Tianna Bartoletta, Allyson Felix og English Gardner hadde lagt grunnlaget.

27. mai 2017 i Eugene gjorde Bowie sitt livs beste 200-meterløp unna på 21,77 sekund. Under verdsmeisterskapen 2017 i august i London stupte ho over målstreken og tok gullmedaljen på 100 meter, ein hundredels sekund framom Marie-Josée Ta Lou frå Elfenbeinskysten. Bowie deltok ikkje på 200 meter, men fekk gleda av å sikre eit nytt gull til USA i 4 x 100 m stafett, saman med Aaliyah Brown, Allyson Felix og Morolake Akinosun.

Medaljar og plasseringar i internasjonale meisterskap

• VM 2015 i Beijing: Bronsemedalje på 100 m – 10,86
• OL 2016 i Rio de Janeiro: Gull i 4 x 100 m stafett (41,01), sølv på 100 m – 10,83, bronse på 200 m – 22,15
• VM 2017 i London: Gull på 100 m – 10,85, og i 4 x 100 m stafett (41,82)
• VM 2019 i Doha: Nr 4 i lengdehopp – 6,81 m. Utslått i kvalifiseringa på 100 m (10,30=nr 24)

Kjelder

• Denne artikkelen bygger på «Tori Bowie» frå Wikipedia på engelsk, den 13. august 2017.

• World Athletics